TOPONIMIA

TRABALLO DE TOPONIMIA 1º DE BACHARELATO
OBXECTIVOS:

1. Facer un traballo de investigación manexando distintas fontes: impresas,dixitais, orais.
2. Manter un contacto interxeracional coa xente do noso contorno, interesándonos pola nosa cultura, pasado... axudando a manter viva nas xeracións máis novas a nosa lingua.
3. Intercambiar experiencias cos IES Lagoa de Antela de Xinzo de Limia, Abrente de Ribadavia e San Mamede de Maceda.
   

CONTIDOS:

1. Elaboración esquema das poboacións dos concellos que acolle o noso centro.
2. Estudo comparativo da nomenclatura oficial // popular.
3. Investigación da microtoponimia (orixe do nome, explicación, relacións...)
4. Achegamento etimolóxico sempre que sexa posíbel.
5. Percorrido natural pola nosa microtoponimia.
6. Elaboración de camisetas con cinco topónimos de cada IES.

video do programa Ben Falado

Concurso de videotextos (narrativos) para 4º de ESO

Tiveron que investigar na narrativa actual, seleccionar un xénero, un libro, un fragmento e despois elaborar con el un video con voz, música e imaxes. Unha vez máis gozamos aprendendo.

O 1º premio para Rocío Villanueva González e Laura Carballo Rodríguez con "A sombra cazadora". O 2º para Noelia Rivero Menor e Lucía Fernández
Pereira con "Investigación 091" e o 3º para Javier Castro Pérez e Patricia Cabanelas Bouzo con "Proxecto Pomba Dourada".

Concurso de Videopoemas para 3º ESO

Traballaron basicamente con dous poemarios: cidades de Fran Alonso e Amar e outros verbos de Ana Mª Fernández.

O 1º premio foi para Noemí e Carmen con “Enfadarse”(de Ana Mª fernández).
O 2º para David con “Andar” (de Ana Mª Fernández) e o 3º para Alberto con
“Semáforo” de Fran Alonso.

Concurso para a Antoloxía de Poetízate

O 1º premio foi para Susana Rodríguez Fariña co poema “O bardo” de Carlos Negro.
O 2º para Brenda Domínguez Rodríguez con “A miña terra é doce...” de Celso Emilio Ferreiro.
O 3º premio para Eva Gómez Cuñarro con Envellecer de Ana Mª Fernández.

Bali Rai: Un casorio moi mal amañado

A charla tiña como punto de partida a presentación do seu libro Un casoiro ben mal amañado, editado por Sotelo Blanco.
O autor veu acompañado por un intérprte galego, pero case non fixo falta. Todo o alumnado de 4º ESO lera a obra e traballaran cuestións relacionadas con ela na aula de galego e investigaron na biografía do autor na clase de inglés. O alumnado de 1º de Bacharelato traduciu un fragmento da obra orixinal ao galego (na aula de inglés) e interesouse pola lingua e a cultura punxabi na de galego.

Edición de música electrónica

HIP HOP CON "GARCÍA"

Escoita a Dios ke te Crew



Óscar Penín (da Editorial OUVIRNOS), responsable para a cidade de Ourense dos
actos de conmemoración do 90 Aniversario da Coral de Ruada e do programa
+msc, ofreceunos esta actividade que aceptamos encantad@s.

Tamén o podedes ver no canal de youtube Colegas das palabras.

"Liberación de libros" (bookcrossing).

Nós, alumnado de 4º Eso e club de lectura “Colegas das palabras” do
IES Julio Prieto Nespereira, queremos sumarnos a esta iniciativa e promovela polo barrio. Queremos espallar a nosa literatura, a nosa lingua,
e compartir... quen sabe por cantos recunchos do mundo!

Onde hai libros ceibes?

• Cafetería Nevosa (R/Río Mao-nº21).
• Cafetería Titanic (Avda. De Santiago-nº88).
• Cafetería La Factoría(Avda. De Santigo- nº94).
• Café Isaac(R/ Samuel Eiján)
• Cafetería Chanuco (R/Río Cerves esquina Rúa do Vinteún)
• Cafetería Jam Session (R/Ramón Cabanillas-nº18)
• Cafetería Cadomoki (R/Ramón Cabanillas esquina Celso Emilio Ferreiro)
• Cafetería Rigodón (Praza da Marina- A Ponte).
  

ÚNETE!!!

Un casoiro ben mal amañado

Historia de alienación e identidade, Un casoiro ben mal amañado narra as peripecias vitais dun adolescentes punxabi, Manny, que se debate entre manter as relacións familiares e vivir a súa propia vida. Un casoiro ben mal amañado narra de xeito cru e realista o intento de sobrevivir de moitas comunidades de inmigrantes en espazos culturais alleos e as contradicións que se xestan nas segundas xeracións no seo desas comunidades.

A cabeza de Medusa

Un conflito extraído da realidade, enfocado dende a psicoloxía adolescente que ten ante si un universo de interrogantes, dúbidas e adversidades que acontecen. A construción formal da narración ofrece unha intelixente estrutura e a narración compleméntase coa introdución de elementos informativos, fundamentais para o desenvolvemento e os verdadeiros intereses da historia, que inciden na violación social que sucede á física, cun amplo retrato das diferentes presións ás que están sometidas as rapazas, obrigadas a mastigar o acontecido e a superar un complicado camiño de obstáculos. no seu contorno.

O único que queda é o amor

O amor en todas as súas variantes: desde o primeiro amor adolescente ata que se mantén máis alá da morte. As persoas sempre buscamos na nosa vida ese sentimento tan necesario como o aire que respiramos, quizais porque intuímos que, como escribe Orhan Pamuk en Neve, “na vida o único que queda é o amor”. E sempre, os libros como compañeiros da aventura do amar

Poetízate

A poesía non morde. E, aínda que haxa quen pense o contrario, non é aburrida, romanticona nin difícil. Esta divertida antoloxía poética demostra o contrario. De Rosalía de Castro ás poetas novas, propoñémosche unha viaxe polos poemas máis próximos, divertidos e desenfadados da poesía galega. Poetízate é un libro pensado para as persoas que non están afeitas a ler poesía. ¿Para que? Para cantar, berrar, recitar, rapear, musicar, rebelarse contra o mundo ou só para falar suave na orella. Este é un libro para sentir, gozar e intuír a poesía. Así que, xa o sabes: poetízate

Todo a cen

Alex e maila súa moza Aintzane, filla de emigrantes galegos en Euskadi, viven mergullados na situación da mocidade radical vasca. Sobre un fondo de rock duro e violencia comezan as complicacións para a xove parella: un despedimento, un atentado, o roubo dun coche, a fuxida. Primeiro a Galicia, á Mariña luguesa, onde se une á aventura Uxío; e logo, atropeladamente, desesperadamente, a fuxida continúa ata Lisboa...

O autor utiliza un estilo moi rápido, de frases curtas, con moito diálogo; cheo de referencias musicais (hardcore, metal, rap e rock radikal vasco) e cinematográficas, coas ineludibles Pulp Fiction e Thelma e Louise.